Banjaran Karna
PAGELARAN
RINGGIT PURWA - Banjaran Karno
Dening
: Ki Purba Asmara, S. Kar., M. Hum.
Sabtu,
31 Maret 2012
Kunthiboja minangka
Ratu ing Mandura anggadhahi putra kalih, inggih menika Basudewa
kaliyan Kunthi Nalibrata.
- Adegan nalika Kunthi wonten ing kahanan ngurung diri
Tokoh
: Kunthiboja, Basudewa, Kunthi Nalibrata, Begawan Druwasa
Lampahan :
Kunthiboja minangka ramanipun Kunthi rumaos susah lan sedih ningali
kahanan putrinipun ingkang mendel kemawon lan ngurung diri boten
purun dipunpanggihi kaliyan sinten kemawon. Kunthiboja lajeng
ngendika kaliyan putranipun inggih menika Basudewa babagan
kahananipun Kunthi. Basudewa banjur gadhah gagasan supados
ngawontenaken sayembara inggih menika sinten kemawon ingkang saged
nyempal bahu kiwa lan tengenipun Basudewa, bakal dipunpalakramaaken
kaliyan Kunthi.
Ningali
kahananipun Kunthi, Basudewa taken kaliyan kunthi “Yayi, sliramu
lara apa? Menawa ora lara kok patrapmu kaya wong lara? Apa sejatine
kang lagi mbuk rasakne?” Kunthi boten sumaur lan anaming kendel
kemawon. Lajeng Basudewa sowan dhateng Guru Begawan Druwasa “Pun
Kakang, nyuwun tulung panjenengan ngendika, menapa ingkang dumadi
sebab kok adhi kadi panggoda utawi kesrimpung kang ndadeake yayi
nutup diri.” Lajeng Begawan Druwasa kasuwun mucal Dewi Kunthi.
- Adegan nalika Dewi Kunthi maguru dhateng Guru Begawan Druwasa
Tokoh :
Basudewa, Kunthi Nalibrata, Begawan Druwasa
Lampahan :
Saksampunipun
diwucal dening Begawan Druwasa, Dewi Kunthi tansah ketingal bungah
lan boten murung malih. Menika amarga Dewi Kunthi dipunparingi Aji
Pameling dening Begawan Druwasa. Basudewa taken kaliyan Kunthi
“Kunthi, apa kang sejatine kang wis dumadi, kok saiki kahananmu wis
ora susah meneh?”. Kunthi tetep boten semaur lan anamung
mesam-mesem kanthi dheweke tetep ngurung diri. Banjur Basudewa
bingung lan taken dhateng Begawan Druwasa “Sakwise sesandhingan bar
mbuk ulang, Kunthi dadi seneng. Apa sebabe?” Lajeng Begawan Druwasa
sumaur “Panjenengan sampun masrahaken inggih menika kula supados
ngajari Kunthi. Kunthi kula paringi Aji Anta Saptaning Tunggal,
ingkang aji menika menawi kawathek saged ngrawuhaken sinten kemawon
ingkang dipunkarepaken. Ananging aji-aji menika boten kepareng
kagunaaken wonten ing kahanan nalika adus lan mapan turu.” Begawan
Druwasa ugi ngendika Dewi Kunthi ingkang sejatosipun nembe darbeni.
Mangertos kahanan menika Basudewa duka kaliyan Begawan Druwasa.
- Adegan nalika Kunthi ginaaken Aji Pameling kang ngrawuhaken Bethara Surya
Tokoh :
Kunthi Nalibrata, Bethara Surya
Lampahan :
Dewi
Kunthi kang sampun mangertos Aji Pameling saking Begawan Druwasa
kalawau, piyambaipun rumaos penasaran lan kepengen nyobi. Dewi Kunthi
kepengen ngrawuhaken Bethara Surya. Awit saking menika, Bethara Surya
sampun wonten ing sisihe Kunthi. Wekdal menika Kunthi nembe tilem,
tilemipun inggih namung sakecone lan ngangge busana ingkang miturut
Kunthi sakeco.
Pasuryan
Dewi Kunthi ketingal ayu amargi cumlorote candra. Sangsaya dalu lan
sangsaya peteng, ingkang wonten anaming luput lan kesupen. Lan
kadadosan inggih menika Kunthi darbeni.
- Adegan nalika Kunthi pasrah kaliyan kahananipun
Tokoh :
Kunthi Nalibrata, Basudewa
Lampahan :
Basudewa
sedih awit saking Kunthi ingkang darbeni “Gedhe pangerepku sliramu
dadi garwa kang utama, Yayi. Sliramu dadi garwanipun satriya kang
budi.” Kunthi anamung bisa nangis “Pun kakang, kula sampun boten
pantes lan sampun damel kaluputan. Tinimbang negara mangke ambruk lan
ancur, pejahaken kula kemawon.” Kanthi manah sareh, Basudewa
mangsuli “Aku wis kandha lan ora lali, mati dudu dalan kang bakal
ngrampungi perkara. Sliramu sing sabar lan sliramu bakal ngundhuh
rasa ayem tentrem.”
- Adegan nalika BasuKarno dipunlarung wonten ing kali
Tokoh :
Kunthi Nalibrata, Basudewa, Begawan Druwasa, Adirata, Nada
Lampahan :
Kunthi
nglairaken bayi jaler, ingkang dening Basudewa bayi kalawau
dipunparingi nama BasuKarno. Mumpung para ratu boten mangertos
kahanan menika, Basudewa nyuwun supados BasuKarno dipunasuh dening
Begawan Druwasa. Ananging Kunthi boten purun pisah kaliyan BasuKarno.
Basudewa tetep meksa Kunthi amarga Basudewa ajrih mangke nagarane
bakal ancur menawa para ratu mangertos kahanan ingkang sampun
kalampahan dening Dewi Kunthi. Dewi Kunthi anamung bisa pasrah lan
manut, ananging Kunthi kepengen maringi ASI marang BasuKarno
sakderengipun Kunthi pisah kaliyan BasuKarno. Lajeng BasuKarno
dipunlarung wonten ing kali ingkang pungkasan dipuntemuake dening
Adirata lan Nada kang wonten ing salebeting kendhaga BasuKarno,
sampun wonten nama “BasuKarno”. Banjur BasuKarno dipunasuh dening
Adirata lan Nada.
- Adegan nalika perang antaranipun Begawan Bergawa kaliyan BasuKarno
Tokoh :
Begawan Bargawa, BasuKarno / Suryuputra
Lampahan :
Perang
tandhing antaranipun Suryaputra kaliyan Begawan Bargawa, ingkang ing
pungkasan Suryaputra gerah amargi kekalahanipun. Begawan Bargawa
ngendika lan paring pitutur menawa raos kamanungsan menika boten
amargi kawruh ingkang linuhi, ananging kedah anggadhahi raos asih,
inggih menika sugih pangapunten lan boten serik kaliyan tiyang sanes.
Dados tiyang gesang wonten ing donya boten kepareng angkuh lan
nyombongaken kawruhipun, amargi saged ngalangi Suryaputra anggenipun
nglampahi gesang lan nggayuh gegayuhan. Supados Suryudana dados
satriya ingkang sejati.
- Adegan nalika Suryaputra perang kaliyan Janaka
Tokoh :
Suryaputra, Janaka, Kunthi Nalibrata, Bima, Drona
Lampahan :
Nalika
Janaka utawi Permadi latihan manah dhateng Drona, pikantuk sanjungan
saking tiyang sanes, awit saking Permadi saged manah manuk kanthi pas
nalika manuk kalawau nembe mabur. Lan Permadi dipunparingi bebingah
Jemparing Sokalima.
Suryaputra
boten narima menawi bebingah dipunparingaken dhateng Permadi, amarga
Suryaputra rumaos piyambakipun ugi saged manah kados Permadi kalawau.
Kekalihipun banjur perang tandhing. Nalika Suryaputra lan Permadi
perang, Dewi kunthi lan Bima rawuh wonten ing peperangan, banjur Dewi
Kunthi semaput.
Suryaputra nyuwun
pangapunten dhateng Drona, awit saking Drona menika minangka
gurunipun Kurawa lan Pandhawa. Permadi ugi sowan dhateng Drona lan
nyuwun pangapunten. Lajeng Drona ngangkat Suryaputra dados senapati
perang ing Kerajaan Astina lan anggadhahi tahta ing Awangga.
- Adegan nalika Adipati Karno / Suryaputra Palakrama
Tokoh :
Duryudana, Sengkuni, Adipati Karno, Prabu Salya, Surtikanthi,
Banowati
Lampahan :
Duryudana
lan Harya Sengkuni sowan wonten ing Kerajaan Mandura kepareng badhe
nglamar Dewi Surtikanthi, ananging Dewi Surtikanthi boten purun
amargi Dewi Surtikanthi anaming tresna kaliyan Adipati Karno. Lajeng
Duryudana duka awit saking Surtikanthi luwih milih Karno tinimbang
dheweke.
Prabu
Salya minangka ramanipun Dewi Surtikanthi, nikahaken Dewi Surtikanthi
kaliyan Karno. Lan amargi Karno sampun kathah jasanipun marang
Kurawa, Duryudana maringi tahta ing Ngawangga dhateng Adipati Karno.
- Adegan nalika Adipati Karno kepanggih kaliyan Dewi Kunthi
Tokoh :
Adipati Karno, Dewi Kunthi
Lampahan :
Adipati
Karno kepanggih kaliyan Dewi Kunthi wonten ing pinggiring Benawi
Gangga. Adipati Karno nyuwun pangestu dhateng Dewi Kunthi supados
Karno bisa menang lan slamet wonten ing perang tandhing kaliyan
Pandhawa. Ananging Dewi Kunthi nyuwun, supados Karno ngurungaken niat
badhe perang kaliyan Pandhawa lan Karno dados kaluwarganipun
Pandhawa, amargi sejatosipun Adipati Karno menika tasih kadang
pribadinipun Pandhawa. Ananging Karno boten purun lan tetep setia
mbela bala Kurawa.
- Adegan nalika Adipati Karno gugur
Tokoh :
Adipati Karno, Sengkuni, Dewi Surtikanthi, Permadi, Dewi Kunthi,
Kresna, Prabu Salya
Lampahan :
Duryudana
ngutus Karno supados dados senapati perang saking Kurawa.
Sakderengipun perang, Karno panggih rumiyin kaliyan Dewi Surtikanthi
nyuwun donga pangestu badhe majeng ing perang. Dene senapatinipun
Pandhawa inggih menika Permadi utawi Prabu Janaka.
Sejatosipun
Permadi boten purun perang kaliyan sodaranipun piyambak, inggih
menika Adipati Karno, ananging Karno tetep kepengen perang nglawan
Permadi awit saking sampun kewajibanipun mbela Kurawa. Karno
dipunbiyantu kaliyan rama mertuanipun inggih menika Prabu Salya, dene
Permadi dipunbiyantu kusiripun, Kresna.
Wonten
ing perang, Karno ginaaken Gendhewa Pasoepati. Karno kaliyan Permadi
sami-sami sekti, ingkang kekalihipun inggih sami-sami kuat. Ananging
kreta kencana ingkang dipuntunggangi Karno mbleseg wonten ing lendut
lan Permadi njemparaken Gendhewa Pasoepati dhateng Karno ingkang
pungkasanipun Adipati Karno kawon lan pejah.
- Tembung-tembung ingkang kalebet tembung sastra Jawa klasik :
- Amungkuli
- Brukut
- Candra
- Cantuka
- Dasa
- Dhatan
- Hambaka
- Hanggameng
- Jayeng
- Kamayangan
- Kayon
- Keprabon
- Kinen
- Kumedat
- Layon
- Leladi
- Mataya
- Nawa
- Nistha
- Palagan
- Pertitis
- Prahara
- Pramana
- Puspita
- Ratri
- Sesekaran
- Tirta
- Titi sunya
- Ulun
- Wardaya
- Waskhita
- Waspu
Komentar
Posting Komentar